RMSA sum Cheng nuai 35, 25,000 senga sak Electric Veng Govt. High School Lunglei Building sakbelh chu vawiin khan HPC Vice Chairman Pu.Joseph Lalhimpuia'n a hawng.

Electric Veng Govt. High School Building sakbelh hawnna inkhawm Pu.R.Lalthakima DEO Lunglei kaihhruaiaah Khuallian Joseph.Lalhimpuia chuan thu sawiin, Electric Veng chuan hmasawnna hmelthar a hmu leh ta a ni tiin, lawmna chang hriat a pawimawh thu a sawi a, Electric Veng High School Building sakbelhna tur RMSA hnuaiah kum 2009-2010 khan dahfel a lo ni tawh a ni, a ti. High School Building tha zawk sakbelh mai bakah hian khawtlang mipuite thawhhona that vangin Electric vengah hmasawnna tam tak hmuh tur sawrkarin a hnutchhiah tawh a, Infiamna lam bikah phei chuan SAI Extention Training Centre changtlung tak sawrkarin a dah mai bakah Football khelhna tur mual laih hna thawh mek a ni, a ti. School Building thar hawn tak hi zirtirtu te leh khawtlang mipuite thawhhona that vanga lo awm thei a ni tiin Pu Mahima chuan Building thar neih ringawt duhtawk lovin naupang ten thiamna tak tak an puakchhuah nan tangkai taka hman ni thei se, zirlai te atangin a kutchhuak that zia hriat theih turin thawktute pawhin tan nasa zawkin la se a duhthu a sawi bawk.