Lunglei District High Powered Committee Vice Chairman Pu Joseph Lalhimpuia chuan nimin zing khan Lunglei West bial chhunga veng thenkhat te tlawhin HPC sum hmanga hmasawnna hnathawh tawh leh hmalakna turte a en.
HPC Vice Chairman hian College Veng-in an vengchhung kal pawhna kawngpui pakhat chauh an neih avanga kawngpui dang HPC sum hmanga an laihzawh tawh chu a hmunah a en a, he kawngpui hi Bazar High School atanga College veng Motor a kalpawh theih tura laih niin, HPC sum hmanga laih a ni. Kawngpui tha tak a kaltlang theihna tura khawtlang inlungrualna leh mitlawmngai te inpekna chu fakawm a tih thu Pu Joseph Lalhimpuia chuan sawiin veng dang tan pawh College veng mipuite inpekna leh thawhhona chu entawn tlak hle a a hriat thu a sawi. Helai kawngpui laihzawh tak hi a tul ang a chei chho zel dan tur PWD lam hotute nen an en nghal bawk a ni.
Hei bakah hian Thuamluaia Mual, Venghlun lam atanga panna kawngpui HPC sum hmanga siam zawh tawh te pawh en nghalin, Police Quarter bula kawng chep lutuk tihzauh nan Police Quarter pahnih chu a rang thei ang bera thiah tur a nih thu leh Building lian zawk leh tangkai zawk kawngpui tichep lo turin sak tum a nih thu HPC Vice Chairman chuan a sawi a, sum pawh neihsa vek a ni tawh a ni tiin, Thuamluaia Mual panna kawngpui pangngai chho-ulh lutuk PWD ten HPC sum hmanga an siamthat te pawh a en nghal bawk a ni.
Hemi hnu hian Rahsiveng Mual laih mek tlawh lehin, Rahsi veng mual laih mek chu HPC atanga cheng nuai 3 pek anih tawh thu a sawi a, Rahsiveng Mual hi Cricket ground tur anga buatsaih nise tha an tih thu Rahsiveng khawtlang hruaitute nen sawi nghalin sum pawh HPC atang bawkin plan tharah ngaihtuah chhunzawm sak leh an tum thu Pu Joseph Lalhimpuia hian a sawi bawk a ni. Hei bakah hian Venghlun khawtlang inkalpawhna kawngpui pawimawh tak laihzauhna tur khawtlang hruaitute'n an lo thlen pawh HPC Vice Chairman chuan kumin chhung ngei a ngaihtuah an tum thu a sawi bawk a ni.
HPC Vice Chairman hi LDCC Vice President Pu Robuanga bakah Official thenkhat leh Media lam ten an tawiawm a ni.
Hei bakah hian Thuamluaia Mual, Venghlun lam atanga panna kawngpui HPC sum hmanga siam zawh tawh te pawh en nghalin, Police Quarter bula kawng chep lutuk tihzauh nan Police Quarter pahnih chu a rang thei ang bera thiah tur a nih thu leh Building lian zawk leh tangkai zawk kawngpui tichep lo turin sak tum a nih thu HPC Vice Chairman chuan a sawi a, sum pawh neihsa vek a ni tawh a ni tiin, Thuamluaia Mual panna kawngpui pangngai chho-ulh lutuk PWD ten HPC sum hmanga an siamthat te pawh a en nghal bawk a ni.
Hemi hnu hian Rahsiveng Mual laih mek tlawh lehin, Rahsi veng mual laih mek chu HPC atanga cheng nuai 3 pek anih tawh thu a sawi a, Rahsiveng Mual hi Cricket ground tur anga buatsaih nise tha an tih thu Rahsiveng khawtlang hruaitute nen sawi nghalin sum pawh HPC atang bawkin plan tharah ngaihtuah chhunzawm sak leh an tum thu Pu Joseph Lalhimpuia hian a sawi bawk a ni. Hei bakah hian Venghlun khawtlang inkalpawhna kawngpui pawimawh tak laihzauhna tur khawtlang hruaitute'n an lo thlen pawh HPC Vice Chairman chuan kumin chhung ngei a ngaihtuah an tum thu a sawi bawk a ni.
HPC Vice Chairman hi LDCC Vice President Pu Robuanga bakah Official thenkhat leh Media lam ten an tawiawm a ni.
Attachment
- Loading attachment...
