Dt. 21.4.2018 chawhma khan Pu Joseph Lalhimpuia, Chairman MYC, Lunglei East Bialtu MLA chuan Pukpui leh Tlawng inkar Lunglei leh Mizoram chhim lam ten an chaklakna ber kawng chhia siam mek chu a hmunah a enfiah. He hunah hian Pu Chalrosanga Ralte Lunglei West Assembly Constituency bialtu MLA pawh a tel a ni.

Pu Joseph Lalhimpuia chuan helai kawng chhia hi Sorkarin a ngaipawimawh a, theihtawp a chhuah mek a, chutih laiin a chhe lai awm thin leh tlo lo,fur a lei tla tam lutuk in harsatna a thlen tam lutuk thin enfiah tura a hmuna kal anih thu a sawi.Helai hmun ni hnih chamchilh a zirchiang tute Geology & Mineral Resources Department hotute Pu H.Lalbiakkima Jt.Director, Pu P.Sanghnuna, Senior Geologist leh Pu F.Lalnuntluanga, Geologist leh Er. Samuel Ramdinthara EE PWD Road ten lo dawngsawngin helai hmun an zirchianna atanga an hmuh dan te an lo hrilh a ni.

Er. Samuel Ramdinthara pawhin helai kawng hi Sorkarin a ngaihpawihmawh thu sawiin Tlawng to Kanghmun South inkar repair hna pawh hmun thumah inthen in thawh mek a ni a, Rigid pavement pawh za a 50 aia tam TANTIA Company lam ten an thawh tawh thu leh May thla hi chuan zawh hman an in beisei thu a sawi a ni.

Helai kawng hi hun engemaw chen zawh theih anih dawnloh avangin Haulawng to Dawn kawng lamah motor tam ber an tlan a tun dinhmunah repair a kawngchhe zualte bolder hnawh a, siamthat thuai a ngaih thu a tarlang bawk.