Lunglei High Powered Committee Vice Chairman Pu Joseph Lalhimpuia chuan nimin khan Mizo Students Union, Shillong buatsaih 32nd Annual Freshers Social chu SoSo Tham Auditorium, Shillong-ah a hmanpui.

Pu Joseph Lalhimpuia chuan Mizo zirlai tamna Shillong khawpu, amah ngei pawh a zir chuahna hmun a zirlaite nen hun an hmang thei chu vannei a tih thu sawiin zirlaite Mizo Nationalism innghahna - rinawmna, taimakna leh tlawmngaihna te hnam dang zingah lan chhuah tira, nunpui turin a chah a. Thalaite chu ram rorelna a tel tura sawmin hnam kal zelna leh hmasawnna atan inpumkhatna leh tanrualna pawimawhzia uar takin a sawi bawk. Pu Mahima hian MSU te cheng 10,000 in a tanpui.

Pu Joseph Lalhimpuia hi Liason Officer Pu Alex Chawngthu in a tawiawm a, tlawmngaipawl leh kohhran hruaitu bakah nu leh pate inkhawmah hian an tel tha hle. Shillong-ah hian Mizo zirlai 3000 atanga 4000 vel an awm a ni.