4804/2024-2025

Siaha the 1st November 2024: Palak Bialtu MLA Pu K Hrahmo chuan nimin khan Siaha District Football Association (SDFA) buatsaih 40-Palak (ST) Assembly Constituency MLA Cup khelh meka final programme chu Chakhei Zone Football Association (CZFA) Tlyliah, Chakheitlah-ah Khuallian niin a hmanpui a, lawmman semna a nei nghal a ni. Pu K Hrahmo, MLA hi MADC a EM i/c Soil etc Pu M Chiadung leh Pu Tiahlei Syuhlo, EM i/c Forest etc te bakah Pi Ng Fanchun, DEO/DPC, Samagra Siaha District, Siaha leh Siaha District Football Association (SDFA) hruaituten an tawiawm a ni.

Palak Bialtu MLA chuan kalkhawm mipuite chu MLA cup ngaihlu a, an hlu tak senga an fuan khawmnaah lawmthu a sawi a, chibai a buk hlawm a ni.
Mara thalai-te chu talent nei tha tak tak an ni tiin an theihna leh thiamna haichhuah chu MLA cup tum pawimawh tak a ni a, Mizoram chang nilo, khawvel pum huapa ram leh hnam tihmingtha thei khawpa talent nei te zawngchhuak tura buatsaih a nih thu a sawi. India chuan reiloteah olympic thlen a tum a, a in buatsaih nasa hle a ti a. Tun atanga thalaite hrual that a pawimawh tiin Mizoram leh India ram tan theihtawpa inbuatsaih a tul thu a sawi bawk. Pu K Hrahmo chuan hlawhtlinna chang thinte chu mipuiin kan hriatpui baka taima taka ti tang tang thin an ni tiin taima tak leh chhel taka inbuatsaih zel turin a fuih a, ruihtheihthil laka fihlim tur leh rilru leh taksa hriselna nei tura inserh thianghlim turin a fuih bawk a ni. Players-te chu eng pawh thleng se lawm dan tawk thiam turin a fuih a, a chaklo zawkte pawh tan lehzual nan hmang se, a aia chaka chherchhuaktu a hmang tura chahin duhsakna a hlan nghal bawk.

He hun hi Pu T Vabeichhuakhu , SDFA Sr Vice President chuan a kaihruai a, Pu BH Sibei, Chakhei Vaihpi chuan hunserh hmangin Chakhei Zone Football Club President Pu C Beireithai hnen atangin thusawi tawh ngaihthlak a ni bawk. Pu KT Neikha, Vice President SDFA chuan lawmthu sawiin hun tih tawp a ni.

Final match hi Kahrie Football Club (Mawhrei) leh Siaha United Football Club (Siaha Vaihpi) ten khelin penalty shoot-out ah Kahrie Football Club te an chak a ni. ‎