Minister of State, Food, Civil Supplies & Consumer Affairs  Pu K Lalrinliana chuan nimin khan Delhi a Union Minister for Consumer Affairs, Food and Public Distribution Pu Ram Vilas Paswan hmu in Food Civil Supplies and Consumer Affairs leh Legal Metrology  Deparment hnuai a mamawh te a thlen. 

Pu K. Lalrinliana’n FCI Food Storage Depot (godown) Sairang a sak tur a rang lama sak a nih theih nan hmalak sak tura a ngen chu Union Minister chuan FCI Godown  hi tender mek a nih thu a lo hrilh a. Hemi bak ah hian district tin a FCI food storage depot dah sak tur in a ngen bawk a.  District tin a FCI godown dah chu Union Minister chuan amah ngei pawhin chu chu a duh thu leh hemi tan rampum ah population (mihring zat) leh buhfai mamawhna angin hei hi zirchianna neih a nih tur thu Minister hi a hrilh a ni. Minister in a ngenna ang in FCI regional office Mizoram a hawng tura dilna a, hma an lo thlen tawh chu FCI hotuten a rang lam in report pe tur in a hrilh nghal a ni. Heng bak ah hian Legal metrology hnuai a mamawh an thlen hrang hrang te bawhzuin Working Standard Laboratorty (Saitual leh Khawzawl ami tur), Research and Development building, controller building extension, Tank Lorry calibration centre te chu Ministry chuan pawmpui in first supplementary grant a telh tur in hma an la a, chu bak ah mobile weigh bridge testing kit van 3(pathum) chu an dil ang in tun a an lei thar tur ah hian an telh sak tur thu an sawi. 

Minister sawmna ang in Sairang FSD emaw FCI regional office  lungphum phum tur in Union minister hian lo la zin ngei a tum thu a sawi a ni.