Minister of State, Food, Civil Supplies & Consumer Affairs  Pu K Lalrinliana chuan  nimin khan Union Minister for Petroleum and Natural Gas,  Pu Dharmendra Pradhan hmu in Mizoramin Gas supply a harsatna a tawh thin te a sawipui.

Pu K. Lalrinliana chuan Mizoram IOCL in Borkhola leh Mualkhang Bottling plant in a chawm thu leh, tun dinhmun ah active customer neihzat atangin za zela 40 chauh thla tin an supply thu leh IOCL kaihhruaina angin a tlem ber ah za zela 70 supply tur an nih thu a sawipui a. Union Minister hian za zela supply thei tur in hma a lak pui tur thu a lo hrilh a. IOCL in Gas supply daih loh phuhruk nan Minister chuan Indane gas agent dah belh tur leh, Oil Marketing Companies dang BPCL, HPCL te rawn luh tir tur in a ngen bawk a. Minister ngenna - Rail fed(Rail chawm) Bottling Plant leh Oil Depot hmun Mizoram a din chu tha a tih thu Union Minister hian lo sawi in hma lak pui a in tiam bawk.

Hemi bak ah hian IOCL gas transporter ten rate hniam vanga  Mizoram kawng tlan an hreh thin chu enfiah sak turin Pu K. Lalrinlaina chuan Union Minister hi a ngen a. Union Minister chuan Gas supply a harsatna te a hmuna zirchiang turin Ministry atangin Joint Secretary level lo kal tir a tum thu leh amah ngei pawh in Bottling Plant leh Oil Depot din a nih thei nan a hmun en tura a lo la zin a tum thu a sawi bawk a ni.