Nizan khan Kolasib A/C bialtu MLA leh FCS&CA Minister ni bawk Pu K Lalrinliana chuan Bairabi YMA Hall ah Zampuimanga Group YMA Conference vawi 31 a hmanpui.

Conference a hmanpui rual hian Zampuimanga Group YMA chuan Pu K Lalrinliana hi Chawimawina thuziak an hlan a, khuallian chuan Conference hmang tura kalkhawm YMA member te chu chibai bukin Zampuimanga Group YMA chu Group pawimawh tak ani a, Group 13 awm zinga Group pasarih(7) chu State pawna mi niin heng group pasarih a YMA member te chu hnam dang zinga Mizo nunzemawi lantirtu pawimawh tak pakhat an ni a ti. Sawrkar leh YMA chu Ram leh Hnam hmasawn nana theihtawp chhuahdun tur an nih thun sawiin, tanpui ngaite tanpuina kawngah  YMA Member te pawhin a tul na ah chuan thurawn pe thin turin a sawm bawk a, YMA thuthlung zinga a ngaipawimawh em em pakhat chu ‘Intodelhna’ ani tiin tun hma a Hnam intodelh ni thin kha tun dinhmunah Hnam intodelh kan ni chiah em tih hi kan inzawh fo a ngai ani a ti a. Intodelhna kawngah hian tan kan lak a ngai takzet ani tiin Hna hniam a awm lova, Eng hna pawh hi thawk ila Rinawmna leh tumruhna nena kan thawh chuan Intodelh na khawp chu kan thawk chhuak dawn a, chu chuan mahni inrintawkna min pe anga, Ram leh Hnam hmasawn zia pawh a ni a ti.

Khuallian chuan Intodelhna chungchangah entirna pe in Sangha tharchhuah na kawngah pawh kan la intodelh lo hle a, State pawn atang mai bakah Myanmar atang ten kan la lut nasa hle a, Sangha vulh/khawi chungchangah pawh awmzei nei taka ruahmanna siamin intodelh khawp hmala tura kan ngaihtuahna kan sen a hun tawh ani a ti.

Minister chuan Ramri bula awm thalaite chu kawng engkimah Zonun Zemawi kan lanchhuah tir a pawimawh tiin Tlawmngaihna, aia upa zahna te hi hnam dang hmuh ah lantir fo ila, chu chuan Mizo te min chawimawi dawn ani a ti bawk.

Zampuimanga Group YMA Conference vawi 31 na hi FCS&CA Minister bakah Kolasib PHE Sr.EE Er.H Lallianmawia, Kolasib DFO Pu Lalzirlianan leh Sub Hqrs YMA Secretary Pu ThomasD. Lalengliana ten an hmanpui bawk a ni.

Attachment

  • Loading attachment...