Vawiin khan Tuirial bialtu MLA Pu K.Lalrinthanga chuan a bial chhung khaw hrang hranga VC House, BNRGSK building 5 a hawng.

Building vawiina a hawn te hi Phaisen, Buhchangphai, Bukvannei, Bilkhawthlir \'S\' leh Bilkhawthlir \'N\' te an ni a. Hawnna thu sawiin Pu Rinthanga chuan sawrkar chuan mipui mimir thatna turin kawng tinrengin hma a la reng a, vawiina BNRGSK building hawn tak pawh hi vantlang mipui ta, kawng engkima an chhawr tangkai tur a ni, a ti a. Tuna UPA sawrkarin MGNREGS a duan chu Mizoramah pawh a takin kan chhawr nasa hle a, mi rethei ber ber te kawng engkima dawmkan hi kan tum tlat a ni a, he building hi NLUP kaihhnawih thil leh heng sawrkar scheme te tih puitlin kawnga punkhawmna tha tak tur a ni, a ti a ni.

BNRGSK hawnna inkhawm tehi khaw tin VC ten an kaiuhruai a. Bilkhawthlir BDO Pu Lalchungnunga leh staff thahnem tak he hunah hian an tel bawk a. Khaw tinah mipui thahnem tak an tel zel a ni.

Attachment

  • Loading attachment...