April 20 – May 3 chhung hian Sports & Youth Services, Adventure Wing chuan Indian Mountaineering Foundation bultumin ‘Outdoor Leadership Adventure Camp’ a buatsaih dawn a. He Outdoor Leadership Adventure Camp hi Pu S. Laldingliana, Parliamentary Secretary chuan naktuk April ni 20, 2012 dar 3:00PM-ah Youth Hostel Luangmual-ah a hawng dawn a ni.
He Training Camp-a trainees te hi Youth Hostel Luangmual-ah lutin, ni 5 chhung an awm dawn a, hemi chhung hian expedition plan, Search & Rescue (Mountaineering Technique) leh theory class dang te an neih hnuah ke a kalin Vaipuanpho Camp an lut dawn a ni. Vaipuanpho hi Base Camp-ah hmangin Adventure Outdoor Leadership training an nei chhunzawm ang a. Training chhung hian Adventure activities chi hrang hrang - Rapelling, Jummaring, Commando Bridge, Rope Ladder, Alpine Style Trekking te bakah Jungle Survival technique chi hrang hrang - cooking without utensils (bungbel tel lova ei siam dan) leh Solonight or Shelter Management (thawmhnaw leh hmanrua engmah nei lova ram palailengah zan riah dan) te an zir dawn a ni. He camp-ah hian Mizoram-a Adventure Club hrang hrang atangin trainees 30 an tel dawn a ni.
Sports & Youth Services Department hian Mizoram-ah Adventure Course hi vawi 14 an huaihawt tawh a, heng course-te hi rampum huap-ah pawh a tha ber pawl a ni tih hria in Indian Mountaineering Foundation (IMF) chuan a vawikhatna atan bul a rawn tum sak ta a ni.
