Pu K.Lalrinthanga Parliamentary Secretary leh Serlui Bialtu MLA chuan vawiin khan Buhchangphai Ramtharzau tlawhin nimin lama Assam Police leh Assam Forest ten an vau chungchangah ththil awmdan a hmunah a enfiah. tlawh.

Buhchangphai Ramtharzau a Pu R.Kapzuala leh Pu Dawnga te Leilet enkawltu te chu Vawiin khan Bialtu MLA Pu K.Lalrinthanga Parliamentary Secretary chuan Ramtharzau a Pu Dawnga leh Pu Kapzuala te Leilet tlawhin Nimin zing dar 10 vel a Assam Police leh Assam Forest ten leilet enkawltu te chu chhuahsan tura antih chungchangah leilet neitu leh a enkawltu te chu a thlamuan a ni.

Pu K.Lalrinthanga chuan kan mipui ten thlamuang taka an eizawnna an kalpui hi kan duh thusam ani a ti a, chutihlaia Assam Police leh Forest ten kan an leiletah kalchilha anlo vau fo mai hi mizoram sorkar chuan a ngaithei lova, an rawn ti leh anih chuan sorkar chu a ngawi mai mai dawnlo ani tiin, harsatna an rawn siam leh anih chuan keini pawhin an state chhungah kalin an mipuite chungah harsatna kan siamsak ve lovang tih a sawi theih loh a ni a ti.

Hemi chungchangah hian nimin khan Kolasib SP chuan Hailakandi SP chu hetianga hma rawn la tawhlo turin a hriattir a, hei bakah hian OC level pawhin hemi chungchang ah hian an in be bawk a, Ramtharzau ah hian Vairengte SDPO hovin 1st IR Sipai engemawzat chuan an mek awmchilh a ni.