3852/2023-2024

Aizawl, 16th February, 2024: Kum 2017 atanga Urban Development & Poverty Alleviation Department buatsaih thin Mizoram Khawpui Fai Inelna chu kum atan October ni 9, 2023 atanga November ni 30, 2023 chhung khan neih a ni a. Chunga khawpui fai thlante lawmman pekna, Award Ceremony of Mizoram Cleanliness Competition 2023 & Swachhata Symposium 2024 chu vawiin khan MRB Auditorium, MINECO ah buatsaih niin, UD&PA Minister Pu K. Sapdanga chu khuallian niin hun a hmanpui.

UD&PA Minister chuan lawmman dawngtu khua te chu a lawmpuina thu a sawi a, midang tana entawntlak ni zui zel turin faina leh thianghlimna chhawm nung zel turin a chah a ni. Minister chuan vengchhung leh khawchhung a fai theih nan veng mipuite leh khaw mipui te'n theihtawp an chhuah avangin sawrkar a cho let ve na tam tak a awm thu a sawi a. Thilṭha ti tur chuan dan kenkawh that a tul thin thu a sawi a. Mizote chu thu kan awih a, hei hi kan vanneihna a ni, tiin mipui hrisel zawk nan leh kawng hrang hranga hma kan sawn nan faina ngaihpawimawh tlan tul a tih thu a sawi a ni. Minister Pu K. Sapdanga, DP&AR changtu ni bawk chuan Mizoramah hna indaih lohna a tam thu sawiin, a sukiang turin sawrkarin theihtawp a chhuah tur thu a sawi bawk.

Mizoram Khawpui Fai Inelna-ah hian Mizoram chhunga Notified Town 28-te Faina leh Thianghlimna kawngah an inel a. Kuminah hian Mizoram khawpuite chu Category-1A ah AMC huamchhunga Local Council 85 te inel in, Category 1B-ah LMC huamchhunga Local Council 24 te an inel a. Category-2 (District Headquarters) ah Aizawl leh Lunglei tiam lohvin District Headquarters 9 inel in, Category-3 (Urban Towns)-ah Urban Towns 17 te an inel bawk a ni. Khawpui Fai Inelna endiktu tur hian NGO hrang hrang atangin mi thiam tak tak te Panel of Judges atan Sawrkarin ruatin, December, 2023 chhungin endikna kalpui a ni.

Mizoram Khawpui Fai Inelna hi Ministry of Housing & Urban Affairs in kum tina a buatsaih thin, India Ram Khawpui Fai Endikna, Swachh Survekshan atana Mizoram khawpuite inbuatsaih lawk theihna tura neih thin a ni a. Swachh Survekshan ah hian Mizoram chhunga khawpuite pawhin lawmman 13 lai an lo dawng tawh a ni.

Mizoram Cleanliness Competition in Urban Mizoram 2023 Lawmman lak dan chu hetiang hi a ni:-

Category-IA (Local Councils within AMC):
1st Prize: Republic Vengthlang LC- Rs. 1,00,000 with Certificate
2nd Prize: Laipuitlang LC - Rs. 80,000 with Certificate
3rd Prize: Thakthing Veng LC Rs. 60,000 with Certificate

Consolation Prizes: -
1. Chaltlang LC – Rs. 20,000 with Certificate
2. Salem Veng LC - Rs. 20,000 with Certificate
3. Tanhril LC - Rs. 20,000 with Certificate
4. Luangmual LC - Rs. 20,000 with Certificate
5. Mission Vengthlang LC- Rs. 20,000 with Certificate

Category-II (District Headquarters):
1st Prize - Serchhip - Rs. 3,00,000 with Certificate
2nd Prize - Khawzawl – Rs. 2,00,000 with Certificate
3rd Prize - Siaha - Rs. 1,00,000 with Certificate

Category -III (Other Urban Towns):
1st Prize - Biate - Rs. 3,00,000 with Certificate
2nd Prize - Phullen- Rs. 2,00,000 with Certificate
3rd Prize - Ngopa – Rs. 1,00,000 with Certificate

SPECIAL AWARDS: -
Fastest Mover Urban Town: Lengpui - Rs. 50,000 with Certificate
Mizoram Khawpui Fai lawmman semna neih rual hian Swachhata Symposium neih nghal a ni a, District leh Mizoram khawpui hrang hranga sawkar mi pawimawh tak tak telin, he hunah hian mi thiam tak tak ten bawlhhlawh sawngbawl dan tha zawk leh bawlhhlawh tuiril sawngbawl dan turte zirtirin, Mizoramin Faina leh Thianghlimna mai bakah ram hmasawnna tura bawlhhlawh sawngbawl kawnga hmachhawp hrang hrangte thlirhoa sawiho a ni.

Attachment

  • Loading attachment...