3851/2023-2024
Aizawl, the 16th February, 2024: Mizoram State Sorkar Office Memorandum vide memo No. F.23012/4/2013- GAD Dt.26.9.2023 anga Sorkar Office hun nipui hun chhung atana chhuah tlawhchhanin, Sr. SP Traffic Pu Stephen Lalrinawma chuan Mizoram State Sorkar Notification No.B.12021/10/04-TRP Dt. 22.8.2008 leh Section 115 of MV Act, 1988 in thuneihna a pek angin Public Notice Vide No. RO/TRF/SP-Noti-7/08/827 Dt.29.9.2023 a Aizawl khawpui chhunga lirthei intlan chhawk dan tur chhuah tawh chu Nipui hun chhung February ni 19 atanga September ni 30, 2024 atan a hun (timing) chu a hnuaia mi ang hian thlak danglam a ni tih thupek a chhuah.
1. Lirthei zawng zawng (mimal motor, Sorkar motor leh bungraw phur lirthei leh District dang lirthei leh State pawn a lirthei register-te pawh huamin) intlanchhawk hian Zing dar 9:30 atanga Tlai dar 6:00 thlenga huam ang. Lirthei intlanchhawk hian Inrinni (Saturday), Pathianni (Sunday) leh Sorkar Holiday-te a huam lovang.
2. Taxi (LMV leh Two Wheeler) te chu Sticker A, B leh C hmanga intlanchhawk kalpui mek ang hian Zing Dar 9:30 atanga Tlai Dar 6:00 inkar an intlanchhawk ang. Inrinni (Saturday) bikah Chawhnu Dar 1:00 atangin Taxi (LMV leh Two Wheeler) te hi an vaia tlanchhuah phalsak an ni. Tin, Pathianni (Sunday) leh Sorkar Holiday-ah pawh Taxi (LMV leh Two Wheeler) te hi an vai a tlanchhuah phalsak an ni.
