Sorkar Laipuiin Mizoram Larsap hna hmui tur atana a ruat Shri Krishan Kant Paul, Meghalaya Governor ni lai mek chu vawiin tlai dar 4 khan Raj Bhawan Durbar Hall-ah rinawmna thu tiam tira Mizoram Governor atan lakluh a ni a. Rinawmna thu hi Gauhati High Court, Judge, Justice L.S. Jamir’n a tiam tir. Larsap lakluhna inkhawm-ah hian Chief Minister Pu Lal Thanhawla, Minister te, Assembly Deputy Speaker, Parliamentary Secretary leh MLA te bakah Chief Secretary leh Sorkar mi pawimawh thahnem tak an tel a ni.

Larsap thar, Shri Krishan Kant Paul hi kum 66 a upa niin thiamna lamah Indian Police Service(Rtd) a ni a. Governor a ruat a nih hma hian Delhi Police Commissioner hna leh UPSC a member nihna te a lo chelh tawh thin a ni.