FCS&CA Minister Pu K.Lalrinliana chuan 3rd Mizoram Inter-Club Boxing Tournament kharna hun chu vawiin khan Kolasib Saidan Regional Sports Centre ah a hmanpui.

Khuallian chuan mizo thalai te chu Boxing ah hming an chher nasa hle tawh ani tiin Mizoram bakah India ram tihming thatu tamtak  an awm a, hmasawnna nasa takin hmuh tur a awm ani ati. Sawrkar chuan thalai infiamna lama tuimi te tan Sports Policy changtlung tak a duang mek ani tih a tarlang a, hei hi peih fel tep tawh niin hman a nih hunah chuan thalai infiammi te kaihhruaina kawngah nasa takin a pui dawn ani a ti. Hemi bakah hian infaimmi 100 awm theihna tur SAI Centre chu Kolasib ah buatsaih mek ani a, game hrang hrang khel te tan inhrualna hmun thatak ani  dawn a, Kolasib chu infiamna hmunhma tha nei turin kawng hrang hranga hmalak chhoh mek zel ani a ti. Boxer te lo mikhuala an mamawhna zawna phak tawka lo tanpui tu Saidan khawtlang hruaitute leh Saidan Mipui chungah Bialtu MLA a nihna angin lawmthu a sawi bawk a ni.

3rd Mizoram Inter-Club Boxing Tournament ah hian Mizoram hmun hrang hranga Boxing Academy atangin Boxer 203  ten Bout 158 kaltlangin champion nih an inchuh a ni.