November 2019-a Indian Army lak tur atana inbuatsaihna Mizoram Youth Commission (MYC) leh Assam Rifles tang kawpin Pre-Recruitment Training an buatsaih hnuaia training nei turho tan ni 28 August, 2019 khan Assam Rifles Medical Hospital, Aizawlah Pre-Medical Screening neih tan a ni a; hei hi ni 30.8.2019 (Zirtawpni) khan Mizoram Youth Commission Chairman  Dr Vanlaltanpuia chuan a tlawh a, theihtawp chhuah turin Mizoram thalaite a fuih a. MYC Chairman Dr Vanlaltanpuia chuan, Mizoram tan bika Indian Army post ruak kan neih luah khat zo ngei tura Mizoram thalaite tlin theih nan theihtawp chhuahin MYC leh Mizorama Assam Rifles te’n hma an lak chhoh mek thu a sawi a ni.

MYC leh Assam Rifles tang kawp chuan he Indian Army Rally 2019 atana   Pre-Recruitment Training hi Aizawl Zone, Lunglei Zone, Southern Zone (Saiha) leh Northern Zone (CIJW Viirengte)-ah an buatsaih chho dawn a; Aizawl Zone hnuaiah mi 350 chuang admit an ni tawhin, Zone dangah mi 200 zet admit an ni tawh bawk.

Attachment

  • Loading attachment...