Parliamentary Secretary Pu KS Thanga’n IWMP Aizawl Project V & VI Awareness Campaign cum Distribution of Fund, Falkawn BNRGSK Hall-a neih a hmanpui.

Pu KS Thanga chuan Sorkar Laipuiin ei leh bara kan intohdelhna tur programme a rawn siam hi lo dawng liam mai lova, tih takzeta taimakna, thawhrimna leh rinawmna nen kristianna rilru dik a lo dawnsawn a, hlawhtling ngei tura hma kan lak hi kan bat a ni, a ti. Kristian kan nih ang ngei a kan Bible in kan eizawnna a kan thawhdan tur te, lei malsawmna kan dawn theih dan tur te leh rethei bakberha awm lo tura min zirtirna hi kan zir chhuak ngei tur a ni, a ti bawk. Hualngohmun, Melriat, Kelsih leh Falkawn atanga chhungkua 80 Water-shed beneficiaries te hnenah tanpuina hi sem a ni. Aizawl Project V hian 1400 hectares a huam a, Project VI hian 2760 hectares a huam bawk a ni.