Vawiin khan Pu KS Thanga, Parliamentary Secretary Finance chuan Baktawng playground ah Pu Chawngkhuma Memorial Hockey Tournament leh Chawngtluangzela Memorial Under-14 Football Tournament  chawlhkar hnih awh chu a kharna hun a hmanpui.

Ni 21.3.2017 atanga  khelh tan Pu Chawngkhuma Memorial Hockey Tournament hi kum 1933 atang khan chhumlo chat lova kumtin kalpui zel niin kumin hi a vawi-84 na a ni. He tournament ah hian Hockey team-39 chhuakin, Under-14 Football tournament ah hian team-14 an chhuak thung a, an vaiin team-47 an ni.

Khuallian Pu KS Thanga chuan, 'Mizoram Hockey Tournament chhumlo chat lova kal rei ber Baktawng Games & Sport Association an  nei thei hi a hlu in ropui a tiin, hetiang taka hockey tuipui khua an lo la awm avangin Hockey ground tha an neih theih nan sorkar in theihtawp a chhuah dawn a ni, a ti a. Baktawng hockey players te Mizoram ti hmingtha tu ni ngei thei turin duhsakna a hlan nghal bawk a ni.