No.111/2020-2021

Nimin atang khan Pu KT.Rokhaw MLA, 40-PALAK(AC) bialtu chuan a bialchhunga VLTF zawng zawng te hnenah Mask,Kutkawr leh Hand Sanitizer sem turin a bial a fang tan.

Niminah khan Kaochao-'E', khua a tlawh hmasa ber a, Pu KT. Rokhaw chuan Kaochao-E chu Siaha district luhka an nih avanga VLTF te an hahfal zia te hriatpuithu sawiin, Siaha district him nan Tha thlah lova tan la zual sauh turin a ngen hlawm. Kaochao-'E' atang hian kalin; Pu Rokhaw hian Amôbyu Vaithie,Amôbyu 'B',Theiva,Theiri, Tisi, Tipa khua( VLTF-5 a awm) a VLTF te tlawhin, Mask 40/50 bawr, Gloves 15/25 Pairs, Hand Sanitizer 1litre vel theuh a sem nghal zel a ni.

Vawiin lamah hian Saikao, Tipa-'B', Zyhno, Siatlai, Zyhno, Laki etc. tlangdung a fang kual leh dawn a ni.

Pu KT.Rokhaw chu a bialchhunga Task Force ten thlamuanpuithlak an tiin, an lo lawm hle a ni.Pu KT.Rokhaw chuan VLTF a tlawhna a piangah thu sawiin, Kan himna tura kan tih theih awm chhun chu *Sawrkar leh Task Force te thu zawm a, tihtur an tih leh tihloh tur an ti te zawm that a, mahni in theuhva tawmim hi a ni*. *Tun ang hun harsa kan hmachhawn lai hian tuman Politics kan sawi ri tur a ni lo, thil thiang lo a ni, a ti. Kohhran, VC,Tlawmngai Pawl, Party leh mipui kan tanrual tul hun ber a ni a, kan tanrual a, Sawrkar leh VLTF thu kan zawmthat phawt chuan Covid-19 hi kan hneh thei ngei ang,* a ti bawk.

MLA Pu KT.Rokhaw chuan Ei leh bar-ah pawh lo thlaphang lutuk suh u, chhuanchham kan awm loh nan sawrkarin theitawp chhuahin hma a la mek zel e. Siaha district phei chu kan vannei hle a ni, Bialtu Minister viak tha leh chak tak Dr.K.Beichhua kan nei a, a ni nen hian theitawp chhuahin Siaha district leh kan bial tan kan thawk mek e, a ti. Sawizelin Pu KT.Rokhaw chuan Pu N.Zakhai CEM, MADC leh a thawhpui te chungah pawh lawmthu ka sawi tak zet a ni, an sum leh pai, leh tha sengin theitawp chhuahin Covid-19 dona-ah hma an la a, an bial theuh hneh taka an vil reng a vangin. Chutiang bawkin Sawrkar official te, VC leh Joint VC te, MTP(H), MSO(H) leh tlawmngai pawl hrang hrang te inthlunzawmna District Level Task Force Force Committee on Covid-19 in an Chairman Pu Bhupesh Chaudhary IAS kaihhruaina hnuaia mutmu pawh tuah hman lovin LLTF/VLTF te kaltlangin Covid-19 dona beihpui an thlak reng bawk a, MLA ka nihna angin DLTF leh VLTF chungah pawh lawmthu ka sawi tak meuh meuh a ni, a ti bawk.

Pu KT.Rokhaw hian tarik ni 7/4/2020 ral hmaa a bial fanchhuah hman vek a tum a. Chakhei,Siata Tlangdung a fan hunah Minister Dr.K.Beichhua biala khaw thenkhat Chhaolô, Lóbô etc te a fang tel nghal dawn a ni.