No.4127/2021-2022
Aizawl, 28th February, 2022: Nimin dt 27.2.2022 tlai khan Mizoram M.P (Rajya Sabha) Pu K.Vanlalvena chuan Pu Rajesh Kumar, DIG Sector Hqrs BSF, Aizawl chu Tuikhuahtlanga a chenna inah lengah sawmin Mizorama Sawhthing chingtu te harsatna a sawipui.

Pu Vena chuan Mizorama sawhthing chingtu thenkhat ten Tlabung bul Khawthlang tuipui lui kaltlanga Bangladesh a an sawhthing thar chhuahte hralh an duh thu leh Tlabung chhehvela BSF te nena inhriatthiam tawnna an neih a tul thu a sawi pui a.

Bangladesh leh Mizoram insumdawn tawnna tur, Border Haat, hmun thumah neih turin India sawrkara Ministry of External Affairs hotute nen a thuphunga an sawi fel tawh thute, Kawrpuichhuahah Indo-Bangla Trade Centre din tura India sawrkar leh Bangladesh sawrkar ten Agreement an neih tawh bawhzuia hnathawh mek a nih thu te Pu Vena chuan sawi puiin Mizoram atanga Bangladesh a hralh tur sawhthingte chu lo tihdin emaw lo man emaw chu thil tul ni lova a hriat thu Pu Vena chuan DIG BSF Pu Rajesh Kumara chu a sawipui bawk a. Mizorama sawhthing thar chhuahte chu Assam sumdawng ho ten an rawn lei thin thu leh Bangladesh ah tho Assam sumdawngtute chuan an hralh thin thute Pu Vena chuan sawiin hetianga kharchhawn tir lova kuthnathawktu ten Khawthlang tuipui kaltlanga Bangladesha hralh tlang mai hi an mamawh thu Pu Vena chuan DIG hi a sawipui a ni.

Pu PC.Lalhriatpuia Asst Commandant BSF in DIG hi a tawiawm a ni.