No.4126/2021-2022 

Aizawl 27th February, 2022 : Vawiin khan Dr. Bharati Pravin Pawar, Hon'ble Union Minister of State for Health & Family Welfare chuan Mamit tlawhin DC Conference Hall, Mamit-ah Sorkar Officials te leh NGOs te nen Aspirational District chungchangah inkawm hona an nei.

Dr. Bharati Pravin Pawar chuan thu sawiin Aspirational District hnuaia hmasawnna tur Parameters hrang hranga kan hniamna te chu chak taka hmasawn dan tur ngaihtuaha Department Officials te'n scheme zirchiang turin a hrilh.

Dr. BD Chakma MLA Mizoram leh Health Secretary, Govt. of Mizoram te pawhin officials te hma-ah fuihna thu an sawi.

He hunah hian Pu Beitlotha Nohro, Aspirational District Nodal Officer chuan Aspirational District hnuaia hmalak tawhna leh hmachhawp mekte a lem nena entirin Presentation a pe a. NGOs leh khawtlang hruaitute'n District mamawh leh harsatna hrang hrang an thlen bakah a theih anga sutkianpui turin Minister hi an ngen a. Sorkar Officials te nen inkawmhona hun tha tak hman a ni bawk.

Union Minister hian Mamit Main Centre & Health And Wellness Centre, Gov.t Mamit College, CMO Office, Health Worker Training School bakah District Hospital Mamit te a tlawh nghal bawk.

Dr. Bharati Pravin Pawar hi Pu Lalnunhlua, Mamit District Bawrhsap chuan lo dawngsawngin he hunah hian Mamit khawpui chhunga Sorkar Department hrang hrang hotute, khawtlang hruaitu leh tlawmngaipawl aiawhte bakah thutharthehdarhtute an tel a ni.