Vawiin North East Health Minister Conference neih zawh hnu khan Pu Lal Thanzara leh Assam Health Minister leh Finance Minister ni bawk Pu Himanta Biswa Sarma chuan chaw an ei dun a, Mizo zirlai pahnih tunhnaia tualthi nia hriatte chungchang sawiin Mizoram Minister chuan a rang thei ang bera an thihna a mawhphurtute man a, an phu anga hrem ngei a tul thu Assam Minister chu a hrilh a, Assam Minister chuan Enquiry Commission din tawh ngei ni mahse, amah ngeiin theihtawpa hma la in, Mizoram mipuite duhdan tihpuitlin ngei a tum thu a sawi. 

Assam Health Minister hian Press mite a hmuhnaah pawh Mizo Zirlai te thihna chu pawi a tih thu leh man chhuah ngei an nih theih nan theihtawp a chhuah tur thu a sawi a, Mizo unaute thihna hi mizote kan tuarpui takzet a ni a ti bawk. 

Pu Lal Thanzara hi ASSU hotute pawhin hmuin, tunhnaia Mizo Zirlai pahnih thih thuah mizote an tawrhpui zia an hrilh bakah misualte man chhuahnaah theihtawp chhuahin a tul anga chet lak an tum thu an hrilh a ni.