Vawiin hian Vanapa Hall, Aizawl-ah 5th Mizoram Candle Light Memorial Service 2010 hman a ni a, Parliamentary Secretary Pu Lal Thanzara chu Chief Guest niin MSACS Project Director Dr. Eric Zomawia chu Guest of Honour a ni.
HIV / AIDS avanga tuar mekte leh nunna chante tuarpuina leh sunna hunah hian Rev. Dr. Lalbiakmawia'n tawngtai sakna hun a hmang a, World Vision India Manager Pi Lalthangseii'n kalkhawmte lawmna thu a sawi bawk. Positive Network of Mizoram (PNM) leh Mizoram People Living With HIV / AIDS (MPLAS) atangtein thusawi ngaihthlak a ni.
Pu Lal Thanzara chuan kalkhawmte chibai bukin Mizoramah hetianga hun hman a ngai ta hi a lungchhiat thlak a ni a ti a, Human Rights hian mahni chanvo leh duhdan hlen chhuah ringawt ni lovin mawhphurhna tamtak a keng tel a ni a ti. Mizorama HIV kai tam zawk chu thalai an ni a, chu chuan kan ram hma lam hunturah ngaihtuahna a ti thui hle a ni a ti a. HIV in kan thalaite a run mek dan hi ngaihthah theih a ni lo tiin Kohhran leh tlawmngai pawl hrang hrangte pheikhai ruala ke pen tlang turin a sawm a, HIV / AIDS tuar mekte harsatna hre reng tur leh an tana hma la zel turin kalkhawmte a sawm bawk. Pu Patea hian HIV / AIDS chungchanga hmalatu pawl hrang hrangte chu a pisa-ah lenga an mamawh leh hmalak dan tur sawipui tura sawmin PNM leh MPLAS te hnenah tanpuina tangka faiin a hlan bawk a ni.
MSACS record a a lan dan chuan October 1990 atanga March 2010 chhung hian Mizoramah thisen test tawh mi 1,02,974 awmin HIV +ve 4,381 hmuh chhuah a ni a, AIDS case 414 awmin HIV / AIDS kaihhnawiha thi 168 an awm tawh a ni. Guest of Honour, MSACS Project Director Dr. Eric Zomawia chuan HIV +ve te enkawlna ART Center Champhai leh Lunglei ah din thar a nih thu leh district tinah hmalak zel a nih thu a sawi a ni.
5th Mizoram Candle Light Memorial Service 2010 hi World Vision India, Positive Network of Mizoram (PNM) leh Mizoram People Living With HIV / AIDS (MPLAS) te huaihawt niin Mizoram State AIDS Control Society (MSACS) sponsor a ni a. Kumina Candle Light Service thupuiah hian 'Many Lights for Human Rights' tih hman a ni.
Pu Lal Thanzara chuan kalkhawmte chibai bukin Mizoramah hetianga hun hman a ngai ta hi a lungchhiat thlak a ni a ti a, Human Rights hian mahni chanvo leh duhdan hlen chhuah ringawt ni lovin mawhphurhna tamtak a keng tel a ni a ti. Mizorama HIV kai tam zawk chu thalai an ni a, chu chuan kan ram hma lam hunturah ngaihtuahna a ti thui hle a ni a ti a. HIV in kan thalaite a run mek dan hi ngaihthah theih a ni lo tiin Kohhran leh tlawmngai pawl hrang hrangte pheikhai ruala ke pen tlang turin a sawm a, HIV / AIDS tuar mekte harsatna hre reng tur leh an tana hma la zel turin kalkhawmte a sawm bawk. Pu Patea hian HIV / AIDS chungchanga hmalatu pawl hrang hrangte chu a pisa-ah lenga an mamawh leh hmalak dan tur sawipui tura sawmin PNM leh MPLAS te hnenah tanpuina tangka faiin a hlan bawk a ni.
MSACS record a a lan dan chuan October 1990 atanga March 2010 chhung hian Mizoramah thisen test tawh mi 1,02,974 awmin HIV +ve 4,381 hmuh chhuah a ni a, AIDS case 414 awmin HIV / AIDS kaihhnawiha thi 168 an awm tawh a ni. Guest of Honour, MSACS Project Director Dr. Eric Zomawia chuan HIV +ve te enkawlna ART Center Champhai leh Lunglei ah din thar a nih thu leh district tinah hmalak zel a nih thu a sawi a ni.
5th Mizoram Candle Light Memorial Service 2010 hi World Vision India, Positive Network of Mizoram (PNM) leh Mizoram People Living With HIV / AIDS (MPLAS) te huaihawt niin Mizoram State AIDS Control Society (MSACS) sponsor a ni a. Kumina Candle Light Service thupuiah hian 'Many Lights for Human Rights' tih hman a ni.
