Vawiin khan KVK, Lengpui chuan Dialdawk kama leilet neitu mi 17 te hnenah buhchin hlawk dan a zirtir. He hun hawnna inkhawmah hian Pu R.K.Nithanga, Programme Coordinator, KVK Lengpui chuan Leilet zau dan thuhmun reng atanga tam lehzual tharchhuah hi Agriculture Science in a tum a ni a, chu mi hlen chhuak tur chuan thiamna leh finna mai bakah thahnemngaihna leh taimakna a pawimawh a ni, a ti.
He training-ah hian Pu Lalthanzuala,SMS(Agro), Agriculture Deptt, Pu Henry Saplalrinliana, SMS (Soil Sc) KVK leh Pi Lalrinsangi,SMS(Agro-Forestry),KVK ten Symtem of Rice Intensification dan hmanga buh hlawk zawka thar dan an zirtir a ni. Dialdawk lui kamah hian leilet neitu mi 20 velin kum tinin buh leh thlasik thlai an ching thin a, an tharchhuah tipung turin KVK hian hma a lak pui mek.Tractor hmangin an lei a thlawnin a leh sak a, Fertilisers leh buh chi te a pe tawh bawk.Tun kumah hian nikum aia tam zawk thar ngei tumin tan an la mek a, chumi a tana thil pawimawh tak mai SRI Training hi an neihpui a ni.
