Nizan dar 8:30 khan Bethlehem Vengthlang kawnah Bethlehem Vengthlang Football Flub chuan MPL 2014 atana kick off programme khawtlang huapin an hmang a, Minister Pu Lal Thanzara, MFA President nibawk chuan khuallian niin a hmanpui.

Thusawiin khuallian chuan infiamna kawnga veng mipui ten thawhhona tha tak an nei chu fakawm a ti a, football in Mizote thinlung a luah thuk sawt hle a. India ram mai pawh ni lo FIFA hial pawhin Mizote min hmelhriat ve tan ta a, hma kan sawn chho mek zel a ni, a ti. Infiammite tha thona tura thahnem ngai (fans) kan pung zel hian min ti phur hle a ni a ti bawk.

Khual zahawm bialtu MLA Pu R. Vanlalvena’n Bethlehem Vengthlang FC Jersey a tlangzarh a, sorkar-in infiammite hmakhua ngaia a hmalakna te leh fuihna thu a sawi bawk a ni.