Parliamentary Secretary Pu Lal Thanzara'n vawiin khan Engineering Club, Babutlangah Mizoram Class-I Contractors Association General Assembly a hmanpui.
Pu Lal Thanzara chuan Contractor-te chu Mizoram tana hna tangkai tak thawktu, ram siamna kawnga dinhmun pawimawh tak luahtu an ni, a ti a. Ram a thanga, hmasawnna hna hrang hrang thawh chhoh mek a nih lai hian Mizorama Registered Contractor te ngei kutchhuak chuan belhchian a dawlin sawisel tur a vang tawh hle a ni, a ti. Parliamentary Secretary chuan mipuite tan sorkarin hmasawnna hna chi hrang hrang theihtawp chhuaha a thawh mek laiin sorkar sum indaihlohna nasa tak avanga duhthusam anga hna chak taka kalpui theih a nih loh thu a sawi a. Harsatna leh duhthusamlo ang deuha thil a thlena puhmawh tur kan zawng thuai thuai leh kan phunnawi hma lutuk hi sim a tul a, mipuite hemi kawngah hian puitlin lam kan pan a tul hle a ni, a ti.
Member 168 awmna Mizoram Class-I Contractors Association General Assembly hi an President Pu PC Sapnela'n a kaihruaia. Agenda chi hrang hrang Schedule Rate chungchang, Form 8 hman chungchang, Mizoram PWD manual chungchang, Performance Security chungchang, Mistiri rate chungchang, hming hawh chungchang leh pawimawh dangte an sawiho a. MJA te kaihhruaiin hruaitu thar thlanna hun an hmang zui nghal a ni.
Member 168 awmna Mizoram Class-I Contractors Association General Assembly hi an President Pu PC Sapnela'n a kaihruaia. Agenda chi hrang hrang Schedule Rate chungchang, Form 8 hman chungchang, Mizoram PWD manual chungchang, Performance Security chungchang, Mistiri rate chungchang, hming hawh chungchang leh pawimawh dangte an sawiho a. MJA te kaihhruaiin hruaitu thar thlanna hun an hmang zui nghal a ni.
