Pu Lal Thanzara, Parliamentary Secretary to CM chuan Mizoram State Group ‘D’ Govt. Employees Association khawmpui vawi 39 na, Chanmari YMA Hall a neih chu a hmanpui. Inkhawm hi Pu Laithanga, President in a kaihruai a ni.

u Lal Thanzara chuan Group D te chu sorkar hnathawk zinga lungpui anga tehkhinin sorkar hnathawk dangin ACP an hmuh theih loh laia phalsak an nih dan te; hnaruak hnawhkhah phal loh laia Group D post erawh MR tala hnawhkhah thin anih thu leh thiamna in a tlin chuan LDC a kaisan theihna 10% an neih thute a sawi a. Mitin hian kan thawh phu tawk theuh hlawh hi hmu tak tak dawn ila chuan a hna lama kan phunchiar peih ang ai hian kan hlawh hmuh tur hi a ak haw tu nih kan hreh hlawm mai thei a. Thawh hun pangngai pela tlawmngai thei hnathawktu kan mamawh a ni. Kan eizawnna hna theuh hi rim takin thawk ila, chu chu kan hlimna leh huaisenna a ni dawn bawk a ni a ti.

Nun hlutna tak tak dai thleng turin kan eizawnna hna theuhah hian hlimpui tham thil ti turin thawkrim theuh ila, rinawmna nen duh taka kan hnate kan thawhna apiangah hian nun hlutna chu a lo piang thin a ni, Pu Lal Thanzara chuan a ti bawk.

Mirethei leh kut hnathawktute dawmkan nana sorkar hmachhawp lian ber NLUP pawh sawichhuakin Parliamentary Secretary chuan he programme hnuaiah hian chhungkaw 120000 te tan eizawnna ngelnghet bultanna tur chak taka kalpui mek a ni tiin, a hlawhtlinna tak tak chu thawhrimna, taimakna leh tih takzetna ah a in nghat a ni, a ti bawk.

Vawiina Group D Annual Conference-ah hian chawhnu lamah rorelna neiin an thu ngaihtuah zingah General Headquarters Budget 2013 neih rawtna te; Special Invalid Pension sorkar-a ngen rawtna leh an pawl dan bu ennawn chungchangte a tel a ni.