Vawiin chawhnu dar 1:00 khan Ramhlun North YMA hall-ah Industries Department hnuaia, Ist Phase NLUP, 2nd Installment chu sem a ni.

He huna a khuallian, Pu H. Liansailova chuan NLUP sum hi Central Sawrkar leh Central Cabinet pawmpui a siam anih thu leh hei hian chhungkaw 120,00,0 (Nuaikhat Singhnih) te hnenah eizawnna ngiak nghet an neih theihnan bul tanna tur pek a nih dawn thu a sawi.

hief Minister lo sawi tawh leh tiam tawh angin, a thu mai nilovin, a takin sum sem anih takah chuan a dawngtu (Beneficiaries) te pawhin dawng mai lova, chhungkaw eizawnna tling, tu leh fa te pawhin an chhawr zawm tur buatsaih hna chu an mawh anih ve tawh thu, Pu Liansailova chuan a sawi bawk.

“Sawrkarin a thlawn liau liauvin bul tanna tur a buatsaih sak che u hi lawmna chang in hriat kan beisei a, rinawmna leh taimakna nen hlawhtlinpui ngei turin ka duhsak che u” tiin Pu Sailova chuan NLUP tanpuina dawngtute chu a chah a ni.

Pu P.L. Thanga, Vice- Chairman, NLUP Implementing Board (NIB) pawhin kalkhawmte hma ah thu a sawi a, khuallian nen hian NLUP Sum chu an sem dun a ni. Pu J. Hmingthanmawia, Addl.DC, Aizawl District chuan inkhawm a kaihruai a, Pu John Saikhuma, G.M. DIC, Aizawl chuan lawmthu sawina hun a nei bawk.

Vawiin a NLUP hi Aizawl North-I leh North-II a chhungkaw 211 hnenah Rs 9569440/-sem a ni a, chhungkaw 3 te chu an hmalakna ennawn leh turin pek hrihloh an ni.