Mizoram in North East Games vawi 16-na March thlaa a thlen tur inpuahchahna kal mekah nimin tlai khan Pu Lal Thanzara, Parliamentary Secretary chuan infiamna thenkhat neihna tur hmun - Rajiv Gandhi Stadium, Mualpui; Republic Veng Playground; Indoor Stadium Pitarte Tlang Republic Veng leh Lammual te a tlawh. Heng hmun ah te hian hnathawh chin te a en a, hmabak la awm, a hma thei ang bera zawh a nih theih nan a hmuna engineer vil tute leh hnathawk tute nen an sawiho nghal a ni. Heng hmuna hna vil tute chuan North East Games atan khelmual hi hman theih ngei an beisei thu an lo hrilh a ni.

Football leh Athletics neihna hmun tur Rajiv Gandhi Stadium Mualpui ah hian phul lem phah chu zawh ani tawh a, tunah hian 8 Lane Athletic Track chu chak taka phah mek a ni a, Track phah hna hi rei vak lovah zawhfel ngei beisei a ni. Judo leh Weightlifting neihna tur Pitarte Tlang Indoor Staduim hi peih fel thawkhat a ni tawh a. Hockey khelhna hmun tura ruat Republic Veng Playground- ah pawh chak taka hnathawh mek a a ni. Football khelhna tur hmun dang Lammual ah pawh gallery sak hna hi chak taka thawh mek a ni bawk. Heng hmun thenkhat a bikin Rajiv Gandhi Stadium chu hna la kal mek anih avangin a theih ang tha a cheibawl tum a ni bawk.