Pu Lal Thanzara, Health & Family Welfare Minister chuan vawiin khan Spastic Society of Mizoram-in Special Olympics Medal lak lawmna inkhawmGileadSpecialSchool, Bawngkawna neih chu a hmanpui.
Pu Lal Thanzara chuanGileadSpecialSchoolnaupangten khawvel huapa infiamna lama inelna a medal an dawng chu lawmawm a tih thu sawiin anmahni enkawltute chungah lawmthu a sawi. Khawvel huapa inelnaa lawmman la thei khawpa an enkawl chu ropui a tih thu a sawi. Infiamna lamah Mizoram hian discipline tinah hma a sawn nasa hle a, tunah Mizo tlangval 200 chuangin Mizoram pawnah eizawnnan football an hmang mek a. Vohbik te pawhin infiamna lamah hmasawnna duhawm tak an nei thei chu lawmawm a tih thu a sawi.
Vawiin lawmna inkhawm hi Pi Zokhumi Vankung, Chairperson, Spastic Society of Mizoram in a kaihruai a. Special Olympics a kal te hian Bronze Medal 2 an rawn hawn a ni.
Special Olympics, 2015 ah hian India aiawh in Infiammi 301 an tel a, hmarchhak states atang chuan Mizo infiammi 6 leh Assamese 2 chiah an thlang a ni. Special Olympics, 2015 hi July 23 ah tan in August 3 khan zawh a ni a. Mizo infiammi India aiawh hian Alfred Lalchhanhima S/o R. Zonunmawia, Gilead Special School; Lalmawizuala s/o Lalhmangaiha(L), Gilead Special School; Thanghmingliana s/o Vanlalrema(L), Gilead Special School; Lalfakzuala S/o Lalhmingthanga, Armed veng; Lalthansanga Fanai, Govt. Aizawl College leh Zohlupuii D/o Zothankima (L), Tuikhuahtlang a te an tel. Anmahni hi Special Olympics atana Head Coach, India Female Basketball Team Sarah Lalmuankimi chuan a hruai a ni.
