Mizorama cham mek FIFA leh AIFF hotuten nimin tlai khan Pu Lal Thanzara, Minister leh President MFA nibawk chu a office ah inkawmna hun an hmang.

Pu Lal Thanzara chuan FIFA meuhin Football-ah Mizoram hmasawnna a hria chu lawmawm a tih thu a sawi a. He an inkawmna ah hian Mizorama Football hmasawnnan thil hrang hrang an sawi a, chungte chu FIFA leh AIFF te chuan Women Football, Youth Development, Coach Education leh Referee lama training pe turin FIFA leh AIFF mithiamte tirh an nih tur thu leh hemi atan a tul angin sum leh pai pawh an ngaihtuah ang a, MFA  pui turin FIFA chuan Professional 2, Technical leh Planning & marketing atan an lo tir bawk ang.

Nimina  Minister hmutute hi Dr.Shaji Prabhakaran, Regional Development Officer for FIFA in South and Central Asia, Pu Vincent Subramaniam, FIFA Technical Development Officer, Pu Sunado Dhar, I-League Chief Executive Officer leh Pu Savio Medier, AIFF Coaching & Academy Director te an ni a. MFA President Pu Lal Thanzara hi Pu Lalnghinglova Hmar, Hon. Secretary, MFA in a tawiawm a ni.