2212/2022-2023
Dated Serchhip, the 7th October, 2022: Vawiin chhun dar 11:30 am ah khan Pu Lalchamliana, Minister, Home, Taxation, DM&R Department, Hrangturzo bialtu MLA ni bawk chuan East Lungdar Distribution Center-a Godown thar a hawng a, Godown, Staff quarters leh toilet block sak thar te a fang nghal a ni.

Pu Lalchamliana chuan, Supply Department in Mizoram mipuiten man tlawm zawka an lak theihnan leh mi harsa zualten a thlawna buhfai mha leh hrisel an lak theihna atana an hnathawh te a fak a, buhfai tha kan dawn theih nan hian Godown tha kan mamawh avangin E. Lungdarah pawh Godown thar sawrkarin a sa a ni, a ti. He Godown hi mangkai taka East Lungdar leh a chhehvel khua ten an hman theih nan duhsakna hlanin venhim leh uluk a ngaihna kawngah te mhahnem ngai turin khawtlang mipuite a chah bawk a ni.

East Lungdara Godown hawnna hi Pi Ramdinliani, Secretary, FCS&CA in a kaihruai a. Construction of 21 Warehouses and its Related Infrastructures in 7 Districts of Mizoram under Warehouse Infrastructure Fund (WIF) under NABARD Warehousing Scheme 2013-14 Project Rs. 39.61 Crore Mizoram in kan hmuh amanga Godown 21 sak te zing ami a ni a. East Lungdar Godown bik atan hian Rs. 164.71 lakh hman niin 200 MT leng tura sak a ni. Godown bakah hian Staff quarters te, toilet block te sak tel a ni.