No.522/2021-2022

Dated Serchhip, the 14th May, 2021: Vawiin hian Home Minister leh Hrangturzo bialtu MLA ni bawk Pu Lalchamliana chuan a mimal sum hmanga a leiin a bial chhung North Vanlaiphaia Covid-19 kai te, N. Vanlaiphai Community Covid Care Center (4C) te leh Bungtlang VLTF te hman tur Covid-19 dona hmanrua leh thilpek dangte a pe a. Dr. R. Lalthangliana, Health Minister pawhin N. Vanlaiphaia VLTF te chu thilpek a pe bawk.

Pu Lalchamliana hian N. Vanlaiphai VLTF hnenah hian PPE, Oxymeter, Gloves, Hand Sanitizer, Damdawi chi hrang hrang, chawhmeh (dal leh nutrela), buhfai bag thahnem tak bakah sum fai Rs.10000/-( singkhat) a pe a, hemi rual hian a bial chhung khua tho Bungtlang VLTF hnenah mask, santizer leh pawisa fai Rs.3000/- a pe bawk.

Tin, North Vanlaiphai VLTF tan hian Dr. R Lalthangliana, Health Minister pawhin Oxygen Concentrator a pe bawk a. Heng Minister pahnihte thilpek hi vawiin hian Pu Lalremruata Chhangte chuan an aiawhin VLTF pahnihte hi a hlan a ni.

Health Minister leh Bialtu MLA te chungah N.Vanlaiphai mipuite leh Bungtlang mipuite an lawm hle a ni.