1648/2025-2026

Kolasib Dated, the 29^th September, 2025: Vawiin khan Kolasib Bialtu MLA, Deputy Speaker Pu Lalfamkima chuan a bial chhunga Sawrkar School thenkhat te hnenah an mamawh Green Board a sem. 

Kolasib Bialtu  MLA, Deputy Speaker Pu Lalfamkima chuan a bial chhunga sawrkar school hrang hrang te a tlawh kualna a, zirtirtu ten an mamawh hrang hrang an lo thlen te bawhzui zelin vawiin khan Kolasib khawpui chhunga School thenkhat Green Board mamawh te hnenah an mamawh dan a zirin Green board hi a hlan a. Sawrkar School pasarih, heng Govt. PS-III, PS XI, PS X, PS XIV, Govt. Selluai MS, Govt. Venglai MS, Govt. Kolasib HS te hnenah an mamawh dan a zir zelin Green Board hi a sem a. Green Board hi a vaiin 19 a sem chhuak a ni. 

Deputy Speaker, Pu Lalfamkima chuan hmasawnna bulpui ber chu zirna a nih avangin ngaihpawimawh a tul thu a sawi a. Thiamna tak tak nei tur chuan zirna tha an neih a ngaih avangin zirlai ten zirna tha leh tluantling an dawn theih nan theihtawp chhuaha tan tlan a ngaih thu sawiin kan zavaiin mawhphurhna kan nei a ni a ti.

Kolasib bialtu MLA Pu Lalfamkima chuan Sawrkar School ten an mamawh hrang hrang a hnena an lo thlen tawh te an mamawh dan a zir zelin a tihhlawhtlin sak tawh thu leh hmabak mamawh thenkhat te pawh a tahtawla tihhlawhtlin sak a tum thu a tarlang bawk a ni.