Vawiin khan Pu Lalkhama, IAS (Rtd.), Vice Chairman, Mizoram State Planning Board chu Agriculture Conference Hall-ah khuallian niin Aizawl Pig Breeders' Association te General Conference vawikhatna chu a hmanpui a. He Conference ah hian Pu T. Sangkunga Secretary, A.H. & Vety Department chu khual zahawm a ni a ; A.H & Vety. Director leh Vety officer engemaw zat in an telpui bawk a ni. He Conference a hian member 160 vel an kal a ni.
Pu Lalkhama chuan ranvulhtute chu sa-ah kan intodelhna theih nan theitawp chhuah turin a fuih a. Mizoram-in hma a sawn theihna turin kalkhawmte chu ranvulh chungchangah Sawrkar thurawn pe thin turin a chah bawk a ni. Pu T. Sangkunga chuan sa leh artui-ah nasa takin sum kan sengral a, hemi atanga hlawkna kan kut a lalut tur leh kan ram economy siam turin kalkhawmte chuan mawhphurna lian tak an nei tiin Sawrkar pawhin a tihtheih chinah hma a lakpui zel tur thu a sawi. Sawrkarin Feed Subsidy a pek chhuah theihnan rawtna te siam a ni thu a sawi bawk.
