3194/2023-2024

LUNGLEI the 29th, December'2023: Vawiin khan Pu Lalramliana Papuia,MLA Lunglei South bialtu chuan a bial chhung Theiriat a awm Mizoram Youth Commission, Youth Centre, Lunglei a tlawh. MLA chuan Sorkar in MYC chairman thar la ruat chiah lo mahse a bial chhung a awm anih vanga tlawh a ni tih a sawi a, tu pawh Chairman nise thawhpui zel a tum thu a sawi a, he Youth Centre hi chei ngai deuh te pawh thuneitu te nen chei that dan ngaihtuah a ni dawn tih sawiin Office in Chowkidar a la neilo chu ngaihtuahna sen ran ngai chi a ni a ti. Sorkar in building tha tak a neih te hi enkawltu tha a mamawh a ni tih sawiin mawhphurtu sorkar in a ruatfel hunah bialtu a nih angin hmalak a ngai a ni a ti. He MYC Youth Centre hmalakna hi khawtlangin an hriat miah loh pawhin hlawkna a awm thei tih a sawi a, a hma hmalakna aia sawt zawk a hmalak dan tur te rilru sen a ngai a ni a ti. Helai hmun hi Lunglei mai nilo chhimlam mipui ten tangkai zawk a an hman theih a duh tih a sawi bawk.

Pu Lalmuanzuala,Co-Ordinator, MYC chuan Youth Centre ah hian naupang 47 thiam thil an zirtir mek tih sawiin Skill Development zingah cement mistiri zir te a hlawhtling ber an ni tih sawiin food processing zir te pawh an hlawhtling ve hle a ni a ti. Hei bakah hian Sipai a luhna lam an buaipui dan sawiin mi 30 vel sipai ah an lut tawh tih a sawi. Kum tharah hei hi tan leh tum a ni a tiin UPSC Preliminary ah mi 4 an inziah tlin thu a sawi bawk.

He hunah hian Theiriat khawtlang hruaitu VC leh YMA te pawhin an bialtu MLA in he hmun a tlawh chu lawmawm an tih thu an sawi.

Pu B. Lalramliana Papuia, MLA hi Pi Judy Lalhriatpuii, Councillor Ward-X  LMC in a tawiawm a ni.