3183/2022-2023
Khawlian, 6th January, 2023 : Khawlian khua kum 100 tlinna (Centenary) lawmna programme hmasa ber CENTENARY URLAWK ZAN chu January ni 5, 2023 (Ningani) zan khan Centenary Pandal, Khawlian Public Playground-ah Pu Lalrinliana Sailo, Speaker, Mizoram Legislative Assembly chuan Khuallian niin a hmanpui.

He hun hi Pu Kapthanghuma VCP Khawlian chuan kaihruaiin Evan VL Hruaisanga kaihhruainain Pathian hnena lawmthu sawina hun hman a ni a, inhmelhriattirna leh inlawmna hun te hman a nih bakah tualchhung zaithiam ten mipui kalkhawm te zaiin an awi bawk a ni.

Khuallian Pu Lalrinliana Sailo chuan thu sawiin a bial chhunga Function awm tawh a zawnga changkang bera a tel thei chu lawmawm a tih thu sawiin, Khawlian, in 400 khuaah kum 70 chung lam mi 130 zet an awm chu lawmawm a ti a, khaw hrisel leh vannei tak an nih thu a sawi a, Khawliana PHC sak mek chu Rs Nuai 275 sengin sak chhunzawm a nih tur thu leh Khawlian Auditorium sak mek chu sak zawh thuai a nih tur thu a sawi bawk. Khawlian khawchhunga kum 70 chunglam, mi 130 te hnenah Puan lum a sem theuh bawk.

Dr. Zomuana Joute in a pa Upa Tlanglawma (L) hriatrengna tura KHAWLIAN DOCUMENTARY FILM a buatsaih chu Khuallian Pu Lalrinliana Sailo chuan a tlangzarh nghal bawk a ni.

Vantlang Inkhawm neih zawh ah hian Centenary Mei det a ni a, Pu Lalrinliana Sailo Speaker, Mizoram Legislative Assembly leh Pu H.Lianzela MCS, Director- UD &PA, Khawlian Khawchhuak Welfare Committee leh Khawlian Centenary Celebration Organising Committee Chairman te chuan Centenary mei hi an dep kai a, Kah-en leh Air balloon chhuahin ropui takin CENTENARY URLAWK ZAN hun an hmang a ni.

Vawiin (6.1.2023) hian Centenary lawmna pui ber chu Centenary Pandal ah neih tur a ni a, Mizoram Chief Minister Pu Zoramthanga chu khuallian niin Pu Lalrinliana Sailo chu Khual Zahawm a ni ang. Tlai ah Centenary lawmna ruai an theh bawk ang.