Pu Lalrinmawia Ralte Minister Environment, Forest & Climate Change etc. leh Bialtu MLA ni bawk chuan Dt 30 Nov- 1 Dec (ni hnih) chhung khan a bial chhung khaw hrang hrang Saikhawthlir, Chuhvel, Sihthiang, Zamuang, Zawlnuam, Kanhmun, Hriphaw leh Kolalian khuate a tlawh.

Heng khaw hrang hrang a tlawhna-ah hian khawtlang hruaitute nen inkawmin sorkar hmalakna hrang hrangte tarlangin , Special Development Project for Western Belt hmanga hmalak dan tur leh he Project in a huam leh thil tum hrang hrangte khawtlang hruaitute nen an sawi hova, hei bakah hian NEDP hmanga sorkar hmalak dan tur hrang hrangte a tarlang bawk a ni. Khaw hrang hrang atanga khawchhung tihmasawnna tur hrang hrangte sawi ho a nih bakah an harsatna tawh hrang hrangte Bialtu Minister hian a ngaihthlak sak bawk a ni.

Environment & Forest Minister hian khua a lo thal chho leh ta a, mitinte ram tikang lo tura fimkhur tur leh nungcha humhalhna kawngah tan la deuh deuh turin khaw hrang hranga amah lo lawmtute chu a chah a ni.