Pu Lalrinmawia Ralte, Labour Employment & Industrial Training Minister chuan vawiin khan I&PR Auditorium-ah Institute for Quality Skill Training, Guwahati atanga training chhuak mi 49 te hnenah Certificate hlanna a nei a, hemi rual hian Offer of Appointment, Pan Card leh Insurance (Rs. 1,00,000/- man hu) a hlan nghal.
Minister chuan vawiina thalaite certificate a hlan thei chu lawmawm tiin an zir chhunga IQST atanga thu tha lo an hre lo chu lawmawm a tih thu a sawi a. Pu Rinmawia chuan thalaite chu an hnathawhna ah inrintawkna, thawhrimna leh tumruhna nen thawka, chin dan tha lo nei lo turin leh an chhungkua leh Mizo hnam aiawhtu an ni tih in hre reng turin a fuih. Minister chuan an hnathawhnaah harsatna an neih chuan a tir te atanga inhriattirturinleh intihsiakna rilru puturina chah bawk.
Pu T. Sangkunga, Chairman, Mizoram Youth Commission pawhin thu sawiin an hnaah rinawm leh chhel taka an thawh chuan hlawhtlinna in a zui zel ang a ti.
Certificate hlanna inkhawm hi Pu P.C. Lallawmsanga IPS, Principal Secretary, Labour Employment & Industrial Training in a kaihruai a. Pu Aditya Malik, CEO, IQST pawhin thusawina hun a hmang.
Vawiina certificate hlante hi Spice Jet, Claridges, Marriott, Radisson, GRT Grand, Taj Club House, Redisson Blu, Oberoi, Park Plaza ah te hna pek an ni.
