Dt 7th February 2014 khan 1- Hachhek Bial atanga MLA thlan tlin leh Minister a hlan kai Pu Lalrinmawia Ralte lawmna hun Hachhek Bial pum huapin Kawrtethawveng Tennis Court ah hman a ni. Lawmna hun Pu Lalthakima Chairman Organising Commmittte & President Hachhek South Block Congress Committee kaihhruaiah thusawiin Pu Lalrinmawia Ralte, Minister Environment & Forest, Labour & Employment, Co-operation, Bialtu MLA chuan Bial mipuite’n ropui taka chawimawiin pangpar thahnem tak nen an lo hmuah na-ah lawmthu a sawi a, hetiang dinhmun a dintirtu Chief Minister leh Bial chhung mipuite chungah lawmthu a sawi bawk.

Pu Lalrinmawia Ralte Environment & Forest Minister chuan hmalam hunah tih tur tam tak leh tih chak tam tak a awm a, chutiang hna thawk thei tura bial mipuiten min siam leh hi bial chhunga amah duhtute chungah thinlung takin lawmthu a sawi a, Party mal chauh hian rorelna ah mawhphur bika kan hriat chuan Democracy hian awmzia a nei dawn lo a ni, chuvangin Congress MLA chauh nilovin Bial mipuite MLA anih thu sawiin in thlahrung miah lova thurawn pe thin turin kalkhawmte a sawm bawk a ni.

Environment & Forest Minister chuan Pathian in mihringte ramsa leh nungcha te chunga thuneitu atan min siam a, Kan ram chhunga nungcha te humhalhna kawngah nasa takin hma kan lak a tul a ni tiin Ram ngaw tichereu lo turin leh humhalhna chang hre turin bial mipuite asawm a, Kan Sawrkarin nitin kuthnathawka eizwngte hmakhua a ngaihtuahin hamthatna an hmuh theihna tur kawng chi hrang hrang a ngaihtuah in hma a la zel dawn a ni a ti bawk.

Bialtu MLA chuan mawhphurhna a neih te ram mipuite tana a tih hlawhtlin theih nana tawngtaipui turin mipuite a sawm a ni.

Pu T. Sangkunga MLA, Chairman Mizoram Youth Commission pawhin he hunah hian thusawiin Hachhek Bialin Bialtu MLA tha tak leh chak tak in nei hi in vannei hle a ni tiin a tha ti chak a thawhpui zel turin Bial mipuite a sawm bawk a ni.

Pu Lalrinmawia Ralte Minister, Environment & Forest hian Rengdil ram chhunga awm Lungkulh hmun chei that dan tur leh a bul vel ramngaw humhalh dan tur te a hmunah a tlawh nghal bawk.

Hachhek Bial chhunga cheng hnam chi hrang hrang 12 ten an hnam lam theuh Minister thar lawmnan hian an hlan a a, Tlailam ah Bial pum huapin ruai ropui tak theh a ni bawk.

Pu Lalrinmawia Ralte, Minister Environment & Forest etc hi a nupui Pi Lalthanzami, leh District chhung leh pawn lam atangin Officials thahnem takin an tawiawm a ni.