Pu Lalrinmawia Ralte Minister, Environment, Forest & Climate Change, Co-Operation, Labour, Employment & Industrial Training, Soil & Water Conservation chuan vawiin khan Tuidam Community Hall- ah Horticulture Department hnuaia NLUP 3rd & 4th Phase hnuaia Kuhva, Serthlum leh Lakhuihthei thlangtu mi 446 te hnenah tanpuina Rs 30,30,500 a sem.

Minister chuan Sorkar Flagship programme NLUP chu mi harsa zawkte khaichhuahnana schemes tha ber a nih avangin Central sorkar pawhin tha a ti hle a, kalpui a nih zel theih nan sum an rawn pe chhuak mek zel a ni a ti.

Vawiina tanpuina dawng theuhte hi kan hlawhtlin pui leh pui loh chu nakin lawkah a lang mai dawn a, sorkarin leirem kan rahna tura kan tuizawng tak hmanga min tanpuina hi a hlutzia hria a a hmanna tur dik taka hmang theuh turin tanpuina dawngtute a chah a ni.

Pu Lalrinmawia Ralte, Bialtu Minister chuan NLUP chu kalpui zel a nih dawn bakah NEDP hmangin Agriculture Link Road leh hmasawnna hna hrang hrangah sorkar chuan hma ala mek bawk a ni a ti.

Vawiin a Tuidam Community Hall-a NLUP semna hun hi Pu T. Vanlaltlana Divisional Horticulture Officer, Tuidam Division chuan a kaihruai ani.

Minister hi Pu B. Lalchamliana HEO, Pu Lalduhthlana DFO Kawrthah leh Pu Paul Rokima, DIPRO, Mamit ten an tawiawm a ni.