77th YMA Day 2012 chu Kawrtethawveng-ah Joint YMA buatsaihin uar takin hman a ni a. He hun hi Pu Lalrinmawia Ralte Ralte, Bialtu MLA Parliamentary Secretary Home etc in a hmanpui.
YMA Day hi Dt 14th June 2012 atanga hman tan niin he mi ni hian Vengchhung leh YMA General Conference 2012 hmanna hmun tifaiin hnatlang pui neih a ni a.
YMA Day ni 15.6.2012 hian chhun lamah YMA Section tinte hnam lama intihsiakna leh hnam lam chi hrang hrang entirna hunah hmangin zanah Variety Programme buatsaih a ni.
Zan hun Emmanuel Chhakchhuak Secretary Joint YMA in kaihruaiin hetah hian Pu Zosangzuala Sr Vice Chairman, Organising Committee YMA General Conference 2012 hnen atangin General Conference inbuatsaihna te leh hmalak tawh dante ngaihthlak niin a kaihhruaina-in Pandal hming ‘ HACHHEK RUN’ tih chu Pu C. Lalpeksanga Project Director, DRDA Mamit in a puang a ni.
He Function-ah hian Pu Rodney L. Ralte IAS District Bawrhsap Mamit pawhin ram leh hnam humhalhna kawnga thalaite mawhphurhna leh ram hmasawnna atan thalaite tih tur hrang hrangte a sawi bawk a ni.
YMA Day hmanna hi zaithiam C. Sanga, TBC Lalsanglura, Zualbawihi leh fiamthu thiam Ramtea ten hmanpuiin mipui an ti hlim hle a ni.
YMA Day Kawrtethawveng-a hmanna ah hian Mamit atangin Pu Rodney L. Ralte IAS District Bawrhsap, Pu H. Sangawia SP, Mamit, Pu C. Lalpeksanga Project Director DRDA, leh Heads of offices te bakah Sub-Hqrs YMA hruaituten an hmanpui bawk a ni.
