Nihnih awh District Level Workshop on Integrated Watershed Management Programme SIRD Mission buatsaih chu vawiin ni 13 December 2012 hian DRDA Conference Hall Mamit ah tan niin he Workshop hi Pu Lalrinmawia Ralte, Parliamentary Secretary, RD etc. chuan a hawng.

He Workshop hawnna inkhawm Pu V. Lalremthanga, IAS, District Bawrhsap kaihhruaiah thu sawiin khuallian Pu Lalrinmawia Ralte, Parliamentary Secretary, RD etc. chuan tunlai thiamna hmanga hmasawnna hnathawh mek ah hian thangthar thiamna thuk zawk nei mawhphurtute hian kan thiamnate ram hmangaihna tak tak rilru pu chunga hna kan thawh theuh a hun tawh tak zet a ni a ti a. Kan tu leh fa lo la awm zel turten hmasawnna, changkanna an neih theih nana tan la tura chah in IWMP hmanga Mizoram leilung 30% laia hmalakna ah hian a mawhphurtute in nih avangin theihtawp in chhuah a tul dawn a ni a ti bawk. A sawi zelnaah khuallian chuan hmasawnna hnathawh (project) hmanga mihlawhtling te hmel hmuh tluka nuam a awm loh thu a sawi a, hemi atana training beitu zawng zawng te pawh taima tak leh hlawk taka training nei theuh turin a chah bawk.

He District Level Workshop on Integrated Management Programme-ah hian SIRD a mi thiam te'n training hi an neih pui dawn a. PIA te pawhin an hmalakna te leh hlawhtinna te report an pe dawn bawk a ni.

He District Level Workshop ah hian IWMP buaipuitute leh mawhphurtute an tel tha hle a ni.

Pu Lalrinmawia Ralte, Parliamentary Secretary Home, et. chuan vawiin dt. 13.12.2012 vek hian SP Office, Mamit tlawhin Police te meeting a neihpui bawk a he hunah hian Police hotute pawhin an mamawh hrang hrangte an lo thlen a ni.