No.3905/2021-2022
Aizawl, the 4th February 2022 : Vawiin khan Rural Development enkawltu Minister Pu Lalruatkima hovin a Pisa ah Union Minister of State for Rural Development and Steel, Pu Faggan Singh Kulaste Mizorama lo zin tur lo dawnsawn dan tur leh Ministry of Rural Development hnuaia Department in Central Sponsored Schemes (CSS) leh scheme dangte a kalpui mek chungchanga thu thlen tur te sawiho a ni.

Meeting ah hian Union Minister lo dawnsawn dan tur chungchangte, meeting neih pui dan tur chungchangte leh a hnenah thu thlen tur chungchangte chu zau taka sawiho a ni a. Rural Development Department; State Institute of Rural Development & Panchayati Raj leh Mizoram State Rural Livelihoods Mission hnuaia Scheme hrang hrang kalpui mek thlen chin leh henga harsatna an tawh te thlirin Union Minister hnenah thu thlen chu sawiho a ni.

Union Minister zin programme karleh tana duan tawh chu vawiin chhun khan a Office in an rawn sawn hla tih an rawn hriattir a, February kar thumna velah a rawn zin beisei thu an sawi.

Meeting ah hian Secretary, Rural Development Pu Vanlalngaihsaka leh a thawpui senior officer te, Rural Development Department leh SIRD &PI Director ve ve te bakah senior officer dangte an tel a ni.