No.6702/2020-2021 

Dated Serchhip, the 28th November, 2020: Vawiin hian Pu Lalruatkima, Honourable Minister of state, Rural Development, I&PR, LR& S, etc., chuan  Serchhipa Block Development Office hmunhma leh BDO staff quarters sakna tur hmunhmate a enfiah. 

Pu Lalruatkima hian Leisekawt Field laih zauh vanga BDO Quarters leh a chhehvela Rataining Wall siam ngaite a en a, retaining wall hi tun thal chhung ngeia siam tha a tih thu a sawi a, field zauh nana laihzawl thar pawh chu tha taka hunga awmze neia hman tangkai a tha a tih thu a sawi bawk a ni. Minister hian BDO staff quarters thar panga sakna tur hmunte pawh a tlawh nghal a, heng quarters sakna tur sumte hi neih fel vek tawh a ni a, hna pawh tan thuaia nih tur thu a sawi a ni. Leisekawt Field a tlawhnaah hian Pu Malsawmtluanga, MCS, PD Serchhip chuan Leisekawt Field sira ram awl chu futsal playground leh volleyball Court dah belh theihna nia an hriat thusawiin a tihpuitlin dan an dap mek thu a tarlang a ni.

BDO hmunhma a tlawh zawh hian Project Director Quarters ah thawktute nena inkawmna hona hun tawite a nei zui a. He hunah hian Project Director, DRDA leh BDO office kaltlanga hmalakna hrang hrangte an sawi hova, tun sawrkar kum kal mekah Serchhip district ah MGNREGA hnuaiah ni 82 inhlawhna neih tawh a ni a, ni 7 dang chhuak mai tur a awm bawk a, a la rawn kal belh zel beisei a nih thu tarlan a ni bawk. Pu Lalruatkima chuan, Central Rural Development Ministry chu Mizoram tana an inhawn thu leh dawr an nawm thu a sawi a, kumin chhunga sum min rawn pek tawh chin pawh hi a tam tham hle a ni, a ti a.  

Minister hi Pu Malsawmtluanga, MCS, PD Serchhip, Pu Vanlalhmachhuana, BDO, Serchhip, Pu Kaste Romalsawma, SDPO, Er. David Zodingliana Colney, AE, PD, Pu K. Saitluanga, MIS, DIPRO leh official pawimawh dangten an lo dawng sawng a ni.