Law Minister leh bialtu MLA nibawk chuan Aizawl Civil Hospital bula Dawrpui Multi Purpose Centre tur chu tukin zing khan Dawrpui khawtlang hruaitute bakah Pu John Rotluangliana, Dy. Speaker leh Pu Biaktluanga, Director, LAD te nen a hmun ah kal in a cheibawl zui dan tur an thlirho.

Aizawl Civil Hospital depa helai hmun hi Virmap tlang ti a hriat lar thin a ni a, Dawrpui veng mipui te chuan hun engemaw atang khan mipui vantlang hman tangkai thei zawk beisei in hmunhma siam nan sawrkar ah an lo dil tawh thin a.Tunah hian Multi Purpose Centre din tur hma lak mek a ni. Helai hmun ah hian mipui hman tur Hall lian tham tak, Civil Hospital atanga chhiat tawh thulha hmun remchang tur buatsaih te, Green Park leh motor park na hmun tur ruahman tum niin kutthlak bultan nan LAD atangin cheng nuai 25 pek a ni tawh nghe nghe a, senso zualpui tur cheng vaibelchhe 6 vel mamawh niin Dawrpui khawtlang hruaitute chuan Minsiter an lo hrilh.