Vawiin dar October 30, 2009 1- 2.30pm khan IMPCC Meeting pawimawh an thukhawm a. October thla chhunga Public Information Campaign te thlir hovin, Mizoram Sorkar Department hrang hrang hotuten an ngai pawimawh tawh tawh hlea hriain lawmawm an ti hle a; mipui hamthatna tur tha leh zuala Department tinin an thawh nasat zel tulin an hria.
He IMPCC Meeting-a \hu te chuan Sorkar Agency thenkhatin DDK leh AIR te aia private Cable Tv. Te kaltlanga mipui hnena hmalakna tur lian tham an ti thin chu tha lovin an hria a; Mizoram mipui tam berin Sorkar hmalakna theh darh zau leh rang ber chu Doordarshan leh AIR a ni a, hei hi hman uar nachang hre ngei se an ti hle.
Mizorama petrol/Diesel pawlhdal, LPG Gas hralhruk (black marketing) tam lutuk hi sorkarin khauh taka hma lain, Agents leh an mi chhawrte thunun na deuh se mipui tan hamthatna a tam ang a; Aizawla tui harsa lutuk pawh Sorkarin chak taka hma a lak loh chuan thla lo thleng tur a huphurhawm hle dawn niin an hria a, Department-in chak taka hma a lak tul an tih thu an sawi.
November 27, 2009-ah DIPR Conference Hall-ah Meeting neih a ni ang a, thupui atan `Communal Harmony & National Integration’ (Hnam Inpumkhatna leh inlungrualna) an thlang.
