Vawiin khan Education Minister Pu Lalsawta chuan 1^st Mizoram Armed Police Battalion din leh enkawl mek 1^st MAP Battallion English Medium School, Armed Veng South chu a tlawh. Minister hi 1^st MAP Commandant Pu Lalbiakthanga Khiangte leh a thawpui dangte leh he sikul zirtirtu ten an lo dawnsawng a, inkhawm tawite Commandant kaihruaina hnuaiah neih nghal a ni.

Pu Lalsawta chuan Police ten zirna ngai pawihmawha naupangte hmakhua ngaihtuaha  sikul an lo din chu fakawm a tih thu a sawi a. Zirna lamah thil thar Continuous Comprehensive Evaluation (CCE) leh hemi in a ken tel Right to Education tum te chu a that thusawiin CCE phei chu nu leh paten an hriatthiam a tul mai bakah an fate an zirna a an inthlah dul loh nan an venpui leh an enpui a ngaih thu a sawi. Zirna chauh hi ram dinchhuahna tur ni a a hriat thusawiin Zirna hikanhawlhfung leh ram tan rohlu a ni a ti a. Zirna kalphung a that chuan Zofate chu khawi hmunah pawh hnathawk in khawvelahkandakchhuak thei ang a ti bawk.

Pu Lalbiakthanga Khiangte in Battallion tobul leh a chanchin te sawiin sikul chanchin tlangpui a sawi bawk a ni.  

1^st MAP Battallion English Medium School hi 1999 khan naupang 72 leh zirtirtu 5 nen bultan in tunah hian zirlai naupang 421 leh zirtirtu 17 an nei a ni. School enkawl nan hian Battalion-a thawk zawng zawng ten an hlawh atangin thlawhlawm an thawh thin a ni.

1^st MAP Battallion hi August ni 1 1973kan din a ni a, tunah hian sipai leh hnathawktu dangtu mi 923 an awm mek a ni.