Nizan khan Education Minister Pu Lalsawta chuan Chhinga Veng Community Hall-ah Chhinga Veng Village Education Committee leh YMA ten Chhinga Veng chhunga HSLC leh HSSLC kumina pass tharte lawmpuina hun an siam chu a hmanpui.
Khuallian Pu Lalsawta chuan lawmpuina thu sawiin pass tharte chu duhsakna a hlan a. Taima taka zir chho zel tur leh ram leh khawtlangin a chhawr tangkai theih thiamna nei khawpa zir turin a fuih a,  zirlaite chu zirlaiah chauh ni lovin nunphungah pawh hmasawn tum zel turin a chah bawk.

Chhinga Vengah hian kuminah HSLC pass thar 90 leh HSSLC pass thar 30 an awm a, Minister hian zirlai hlawhtlingte hnenah hian lawmpuina certificate leh thilpek a hlan nghal bawk a ni.