Pu Lalsawta, Higher & Technical Education Minister chuan vawiin khan Govt. Zirtiri Residential Science College Auditorium a hawng. Hawnna inkhawm hi Pu Laltanpuia, Associate Professor in a kaihruai a, zirlai tithate hnenah chawimawina hlan an ni bawk.

Pu Lalsawta chuan he college in zirtirtu tha tak tak a nei chu thlamuan thlak tiin he college atang hian mi hlawhtling tak tak an chhuak tawh a, zirtirna tha tak an pek hi pe chhunzawm zel turin a fuih a ni. Minister chuan quality education ah hian a pawimawh ber chu an zirlaite an hriatthiam a, ziah emaw sawiah emaw an lanchhuah tir hi a ni a ti.Auditorium sak chungchanga zirtirtute thahnem ngaihna fakawm tiin auditorium hi tangkai taka hmang turin a chah bawk.

Auditorium hi April 2, 2002 khan a sak tan a ni a, Rs. Nuai 25 a sak zawh a ni a, 42 ft x 58 ft niin mi 500 an leng a ni. He Auditorium sak nan hian he college a zirtirtu Dr. B. Zoliana, Associate Professor chuan Rs. Nuai 2 a thawh a zirtirtu dang ten thlahnem tak an thawh bawk a ni.

Govt. Zirtiri Residential Science College ah hian tun ah zirlai 610 awmin zirtirtu 59 an awm mek bawk a ni.